Скопје и Белград имаат иста цел - ЕУ

Меѓу Македонија и Србија односите се на исклучително високо ниво, оценија вчера претседателот македонското Собрание, Трајко Вељаноски, и неговата српска колешка, Славица Ѓукиќ-Дејановиќ, која престојуваше во Македонија. „Од соработката меѓу двете земји зависи стабилноста во регионот и идните чекори кон евроинтеграциите“, изјави Ѓукиќ-Дејановиќ по средбата со Вељаноски. Двајцата спикери констатираа дека во меѓусебните односи многу се побројни потенцијалните можности за соработка отколку прашањата по кои двете земји не се согласуваат. (Н.Р.)