БРИТНИ СПИРС
Повторно во врска со проблематична личност
Очигледно дека за Бритни Спирс работите тргнаа кон подобро. Прво успеа да им се врати на своите деца и се' почесто да ги гледа, потоа собра дури три награди на доделувањето на Ем-Ти-Ви и на крајот својот емотивен живот го подобри со момчето Расел Бренд, англиски комичар, актер, колумнист и радио и ТВ-водител.
Љубовта се случила на прв поглед кога Бренд како домаќин на церемонијата и' ја врачил наградата на пејачката, по што настанале бурни реакции помеѓу присутните.
Сепак, колку навистина ќе потрае таа врска останува да покаже времето со оглед на фактот дека Расел е повеќе од проблематично момче.
Имено, тој најверојатно боледува од биполарно нарушување, а е познат и по тоа што, покрај од дрога и алкохол, бил зависник и од секс и безброј пати имал проблеми со полицијата. Вегетаријанец е од својата четиринаесетта година и моментално се занимава со јога и капоера.
Според медиумите, од зависностите се лекувал во 2003 година, а во врска со неговиот емотивен живот во неколку наврати беше поврзуван со славни имиња, како што се Кејт Мос и Сејди Фрост. |
