„Некст тајм“
Промоција на албум на новите тинејџ-херои
Во вторникот вечерта во хотелот „Холидеј ин“ се случи промоцијата на деби-албумот на тинејџерската атракција „Некст тајм“. Покрај очекуваната тинејџерска публика, близнаците Стефан и Мартин, со логистика на својот менаџмент од продукцијата „План Б“, успеаја да привлечат на својата промоција и поискусни колеги од естрадата, како што се Елвир Мекиќ, Ламбе Алабаковски, Дани, Влатко Илиевски, Ноне, „Браво бенд“, Тамара...
Тие во живо изведоа шест од планираните 13 композиции сместени на албумот.
Албумот, насловен како името на групата, веќе може да се најде во сите музички продавници и трафики низ градовите во Македонија. |
