ПИТЕР ФОЛК
Инспекторот Колумбо не знае за себе
Актерот Питер Фолк, кој повеќе од триесет години успешно ја толкуваше улогата на легендарниот детектив Колумбо, повеќе не е способен да се грижи за себе, па затоа за неговото здравје се грижи неговата ќерка.
Кетрин Фолк побара од судот во САД да и' дозволи да ја преземе грижата за својот 81-годишен татко и за неговиот имот, бидејќи тој е многу болен и повеќе не може да биде одговорен за себе.
Таа потврдила дека често му се случува да не ги препознава луѓето, местата или предметите, па со оглед на тоа, не може да се грижи и за својот имот.
Актерот пред шест месеци ја изгубил контролата над возилото, при што предизвикал сообраќајна незгода во која бил полесно повреден.
Неговата ќерка стравува дека би можел да биде многу лесно изманипулиран или да биде присилен богатството да го препише на некој друг.
Фолк остана запаметен како актер по улогата на детективот Колумбо во истоимената серија, за која е неколкукратен добитник на наградите „Еми“ и „Златен глобус“, додека во два наврата беше номиниран и за „Оскар“. |
