Бензините поевтини за 1,5 денар

Цената на бензините од денеска се намалува за 1,5 денар, а на дизелот за денар, одлучи вчера Регулаторната комисија за енергетика. Новата цена на еуросупер БС-95 изнесува 59,50 денари за литар, а на еуросупер БС-98 61 денар. Литар еуродизел (Д-Е 5) ќе се продава за 47 денари, а екстра лесното масло за домаќинство (ЕЛ-1) ќе чини 36 денари. Намалување има и кај малопродажната цена на мазутот М-1 НС, чија нова цена изнесува 26,123 денари за килограм. Според одлуката на РКЕ, просечното намалување на малопродажните цени на нафтените деривати изнесува 2,36 проценти, а на рафинериските 3,69 проценти. Корекцијата на цените на нафтените деривати Комисијата ја донесе врз основа на просечната цена на нафтата на светскиот пазар во изминатите две седмици и курсот на денарот во однос на доларот. (МИА)