Царината и фирмите да бидат партнери

Генералниот секретар на Светската царинска унија, Кунио Микурија, кој вчера беше во Скопје на отворањето на регионален тренинг центар за едуцирање на кадри од царинската област, смета дека Царината и фирмите треба да имаат партнерски однос. Тој вчера во Скопје изјави дека не е запознат со одлуката на Уставниот суд, која укина одредени одредби од Царинскиот закон, со кои најголемите шпедитерски куќи останаа без дозволи за работа. „Ова е прашање од национален карактер. Но, ние секогаш промовираме партнерски однос меѓу Царината и бизнис-секторот. Ние се залагаме Царината да обезбеди партнерство. Јас сум убеден дека македонска Царина има капацитет тоа да ги прави успешно“, изјави вчера Микурија. Инаку, директорот на Царината, Ванчо Каргов, се' уште не се изјаснува како управата ќе постапи по одлуката. (С.М.)