Полската амбасада со изложба го одбележа 1 септември

Дводневната изложба на архивни фотографии, аудио и видеозаписи со кои амбасадата на Полска ја одбележа 70-годишнината од почетокот на Втората светска војна и 65-годишнината од востанието во Варшава, вечерта на 1 септември привлече големо внимание, пред се', од страна на странските дипломатски претставници и полски граѓани во земјава. На нејзиното отворање во Културно-информативниот центар, полскиот амбасадор во Македонија, Карол Бахура, потсети дека взори, на истиот ден во 1939 година хитлеровска Германија ја нападна неговата земја, а една недела порано, министрите за надворешни работи на Третиот рајх и советска Русија, Рибентроп и Молотов потпишаа поделба на територијата на Полска меѓу нивните држави. Не сакајќи, како што рече, да докажува „кој во оваа војна бил напаѓач, а кој нападнат, кој бил жртва, а кој џелат“, амбасадорот посочи дека секакви сомневања, како негирање на холокаустот или на советските гулази ја разводнуваат одговорноста и не одговараат на историската вистина и ги повика присутните со молчење да им оддадат почит на загинатите во Втората светска војна. (К.Б.)