Конкурентите на Мардок тријат раце

ФРАНКФУРТ - „Тринити мирор“ соопшти дека извлекол полза од затворањето на „Њус од д ворлд“ во јули и е задоволен што никој од неговите високи извршители не прислушкувал телефони или подмитувал полиција од 2000 година, што ја зголемува вредноста на неговите акции. Британскиот издавач на весници соопшти вчера дека приходите од тиражот на групата во јули се зголемени два отсто, по затворањето на ривалскиот таблоид на Руперт Мардок, а националните наслови се зголеми за четири отсто.

„Нашите изданија имаа одлични резултати во јули“, изјави главната извршна директорка, Слај Бејли, пред новинарите преку конференциска врска. Таа рече дека „Тринити мирор“ очекувал да освои 47 отсто од пазарот на популарниот весник во јули.

„Тринити мирор“, меѓу чии наслови се „Дејли мирор“ и „Сандеј мирор“, исто така, се соочува со прашања како очекува да се исполнува сопствената практика на собирање информации од судските случаи во блиска иднина и сеопфатната ревизија на британските медиуми. Издавачот почна сопствена ревизија на уредничките контроли и постапки, а вчера соопшти дека добил писмена потврда од високи уреднички извршители дека не учествувале во телефонско прислушкување или подмитување. (Ројтерс)