Бесплатни курсеви за компјутери во Карпош
Од вчера педесет талентирани дечиња од Карпош, благодарение на општината, почнаа бесплатно да посетуваат курсеви за странски јазици и компјутери. Во зависност од возраста, децата се поделени во неколку групи и наставата ја следат во Центарот за странски јазици и компјутери „Еурокидс“.
Изборот на децата кои бесплатно ќе ги посетуваат курсевите започнал во јуни, а кон крајот на август завршила конечната селекција. Приоритет им бил даден на талентираните дечиња од семејства со ниски примања. |
