Тепачки во Гостивар, Куманово и во Прилеп
Осумнаесетгодишно момче од Гостивар е рането во левото стапало откако во него пукале две непознати лица, кои побегнале до автомобил БМВ. Според МВР, инцидентот се случил вчераутро, 45 минути по полноќ, кај спортската сала „Младост“ во Гостивар, кога И.Ј. (18) со уште двајца другари се степале со двајцата непознати. Еден од нив извадил пиштол и го ранил И.Ј., по што со пријателот побегнале со возилото со кое дошле.
Масовна тепачка била евидентирана во неделата околу 21 часот пред кафеаната „Актуел“ во Куманово каде што дошло до масовна тепачка меѓу неколку лица. Џ.М. (18) со нож ги ранил тројцата соперници, кои завршиле в болница. Вчераутро, околу 5 часот, пред кафеаната „Габијано“ во Прилеп дошло до тепачка меѓу две лица на возраст од 27 и 33 години, кои се здобиле со телесни повреди, соопшти МВР. (Г.А.) |
