Снема струја при гледањето на снимките од случајот „Пепел“
Бајруш Сејдији
Под големо полициско обезбедување, вчера во Основниот суд Скопје 1 беше спроведен кумановецот Бајруш Сејдији и другите осомничени за случајот „Пепел“. Спроведувањето на осомничените во судот беше реализирано поради потребата на истрагата, која за вчера предвиде гледање на видеоматеријалот снимен со примена на таканаречени посебни истражни мерки. Сепак, присутните не успеаја да го изгледаат сето она што требаше да се гледа поради тоа што судот остана без електрична енергија. Како што неофицијално дознаваме, во целост биле изгледани два компакт-диска, а кога се пристапило со гледање и на третиот диск, судот останал без струја. Кога ќе продолжи гледањето на преостанатиот материјал странките во постапката ќе бидат дополнително известени.
Бајруш Сејдији и уште 31 лице се товарат за сторени кривични дела злосторничко здружување, злоупотреба на службената положба и овластување и за дела од Законот за акцизи. (Љ.С.) |
