Локалeн пат кон Теферич

Со пари од Европската банка за обнова и развој во тек се градежни работи за изведба на локалниот пат кон Теферич. Екипи на ГП „Гранит“ деновиве вршат тампонирање на патот што ќе биде долг 952 метра. Патот ќе има две коловозни ленти од 2,5 метри и тротоари широки од 1 метар, поплочени со бехатон плочки. За парите добиени за проектот, Општина Кисела Вода аплицираше во соработка со Агенцијата за државни патишта. Неодамна на идентичен начин се поплочија тротоарите на улицата „Драчевска“ во Драчево. (Дс.Т.)