Против комарци ќе се прска повеќе пати
Градот ги спроведува последните активности пред реализирање на програмата за уништување на комарците. Годинашнава дезинсекција би требало да биде поефикасна, бидејќи предвидува четири прскања од воздух и три од земја. Одговорните од Градот велат дека во тек се постапките за јавни набавки со кои треба да се избере средството со кое ќе се врши аеросолната дезинсекција, како и фирмите кои ќе го вршат прскањето од земја и од авион. Во текот на месецов ќе се знаат и најповолните понудувачи. Датумите за авионското и прскањето од земја ќе се одредат согласно со временските услови. (Сн.К.) | 
