Што прават денеска

Тане Димовски

портпарол на Агенцијата за млади и спорт

По пристигнувањето на работа во 8,30 часот, се координираме со колегите за денешното отварање на спортската сала ,,Иван Хаџи Николов“ во Радишани, Бутел. Потоа, продолжувам со подготовката и организацијата за натпреварот Македонија - Грција на плоштадот „Пела“, кој ќе може да се проследи на голем видеобим.

Силви Плевнеш

пејачка

Денешниот ден ќе го поминам во моето студио, каде што заедно со Влатко работиме на песните од албумот „Коштана“, што ќе послужи како музика за истоимената драма од Бора Станковиќ. Веќе работиме на аранжманот. Вечерта е планирана за релаксирање со Деа - по нејзин избор.

Кристијан Стефановски

„План Б-продукција“

Целиот ден ми е исполнет со работни обврски во продукцијата, а вечерта заминувам за Кавадарци на отварање на „Тиквешки гроздобер“, каде што ќе настапат нашите ексклузивци. Потоа, заминувам на четридневен викенд во Грција заедно со мојата девојка Маријана.