Новинарите формираа свој самостоен синдикат

Самостојниот синдикат на новинари и медиумски работници вчера го одржа своето основачко собрание. Статутот на синдикатот, освен што го дефинира начинот на борбата за правата и статусот на новинарите, определува дека тој ќе ги обединува сите медиумски работници на ниво на поединци, а не на медиумски куќи. За претседател на Синдикатот вчера едногласно е избрана Тамара Чаусидис, како и осумте члена на Извршниот одбор и тројцата членови на Надзорното тело. Како што беше кажано на собранието, синдикатот е резултат на заложбите што изминатите 20 години се правеле за негово формирање.

Собранието вчера го изгласа начинот на финансирање на синдикатот да биде фиксна сума од 150 денари месечно за вработени новинари, 80 за хонорарци и новинари на договор на дело и по 50 денари за невработени и пензионирани медиумски работници. (Т.Г.)