Претепан постариот син на пратеникот Амди Бајрам
Непознати сторители се движеле со три возила по улицата „Шуто Оризари“ и стрелале од огнострелно оружје. Настанот се случи во петокот, во 22,20 часот, кога на улицата имало многу минувачи. Непознатите дошле со возилата и застанале пред пицеријата „Романтика“ каде што, исто така, стрелале во воздух, а потоа се оддалечиле од местото на настанот.
Од бројните испукани куршуми, за среќа, никој не бил повреден, а не била предизвикана ниту материјална штета, но вознемирените луѓе се упатиле кон кафулето „Стил“, сопственост на С.М. (35), бидејќи сметале дека Габриел Бајрам (28), инаку син на Амди Бајрам, бил поврзан со оние кои пукале. Тие го нападнале и го повредиле Габриел, а биле оштетиле и жардињери.
Со телефонско јавување полицијата била известена за инцидентот, а на местото на настанот пристигнале припадници на единицата „Алфа“, кои презеле интервенција врз едно лице, кое било во алкохолизирана состојба. Поради интервенцијата следела реакција од страна на присутните, кои оштетиле три службени возила.
Полицијата извршила увид на местото каде што се одиграл настанот и притоа биле пронајдени и земени повеќе гилзи од огнострелно оружје. (Љ.С.) |
