Франција ќе ги асимилира имигрантите
Париз - Министерот за внатрешни работи на Франција, Клод Геан побара интеграција и асимилација на странците кои живеат во оваа земја, истакнувајќи дека сака да ја намали легалната и илегалната имиграција.
Според француските медиуми, Геан за време на еден предизборен собир се изјаснил дека е против мултикултурализмот. Гаен истакна дека по неконтролир��ната имиграција, се случува некои Французи повеќе да не се чувствуваат како дома.
„Странците што сакаат да живеат во Франција мора да се интегрираат и ако сакаат трајно да останат во нашата земја и да добијат француско државјанство, мора да се асимилираат“, нагласи Гаен.
Гаен го критикиваше однесувањето на оние на кои, како што рече, местото не им е во Франција. Кога еден маж и' забранува на својата жена да излегува од својот дом или да зборува без одобрение, тогаш тоа не можеме да го прифатиме, изјави поранешниот генерален секретар на Елисејската палата.
На овој начин, министерот за внатрешни работи ја оправда неодамнешната одлука на француските власти за одбивање давање државјанство на еден Алжирец, бидејќи се изјаснил против рамноправност на половите.
Поради овие ставови, опозициската Социјалистичка партија (ПС) го критикуваше министерот.
Геан, кој со години е близок соработник на претседателот Никола Саркози, борбата против илегалната имиграција ја постави како централна тема на претседателските избори во 2012 година.
|
