Нови возила за ЈП „Улици и патишта“

За четири возила-машини да се прошири оперативата на ЈП „Улици и патишта“. За овој предлог денеска ќе одлучуваат градските советници. Од нив ќе зависи дали застарениот возен парк на ЈП ќе се поднови со четири нови машини кои е планирано да се купат со средства од буџетот на Град Скопје за 2009 година.

Со предлог-набавката е планирано купување на две возила-патари кои служат за превоз на работници и алат. Предвидена е и набавка на една машина-натоварувач на гумени тркала со алатка за гребење асфалт и аголна четка за чистење, како и една машина за обележување улици.