Партиски потпис против притисоци
Здружението на новинарите на Македонија вчера достави декларација до партиите и до коалициите што учествуваат на изборите за тие да се обврзат на конкретни мерки како да се подобри состојбата на медиумите во земјава. „ЗНМ смета дека медиумскиот систем во Македонија е во сериозна криза за што сведочат и последните два извештаја на Европската комисија и извештаите на реномирани невладини организации, кои ја рангираат Македонија како делумно слободна земја според слободата на печатот“, се вели во соопштението на ЗНМ. Во декларацијата се бара да престанат сите форми на притисок против медиумите, почитување на законите и декриминализација на клеветата и навредата. (Д.Р.)
| 
