Македонец ја избегнал несреќата во Хрватска
Гзим Арифи, вработен во швајцарската железница, кој е по потекло од Македонија, за малку ја избегнал железничката несреќа на возот што сообраќаше од Загреб кон Сплит. При излетувањето на возот од шините во петокот, загинаа шест лица.
Како што пишува хрватскиот весник „Јутарњи лист“, Арифи размислувал да патува за Сплит токму со возот ИЦН 521. Но, поради проблеми со автомобилот, одлучил да го однесе на сервис и воопшто и не се качил во возот.
„Жал ми е за загинатите луѓе и се чувствувам многу лошо поради тоа“, вели Арифи за хрватските медиуми. (Х.Р.) |
