Наскоро подготвена студија

Белград - Реализацијата на проектот за изградба на гасоводот „Јужен поток“ се приближува кон фазата комплетирање на физибилити студијата, што ќе служи како појдовна точка за одлуката за инвестирање, нагласија за „Балкан магазин“, високи претставници на „Гаспром експорт“. Тие најавија дека изградбата на гасоводот ќе се одвива според планираното, со цел природниот гас да почне да се дистрибуира до крајот на 2015 година. Демантирајќи ги шпекулациите на противниците на „Јужен поток“, кои тврдат дека Русите ќе имаат проблеми со обезбедувањето средства за изградбаа на гасоводот, од „Гаспром експорт“ истакнуваат дека сите среднорочни процени на побарувачката на гас и цените на енергенсите покажуваат растечки тренд. „Гаспром“ во моментов изработува физибилити студија и за подморскиот дел на гасоводот и за неговиот копнен дел, кој ќе минува низ земјите-учеснички во проектот. (МИА)