ЛИНДЗИ ЛОХАН

Учев од сопствените грешки

Младата актерка и пејачка Линдзи Лохан призна дека многу грешела во животот, но затоа сега тврди дека е многу подобра личност, благодарение на поуката од своите грешки.

На Линдзи 2009 година и' беше доста турболентна. Ја прекина врската со девојката Саманта Ронсон, а потоа беше поврзувана со разни мажи - Џерард Батлер, Леонардо Ди Каприо и сопругот на Џесика Алба, Кеш Варен.

„Имав свои подеми и падови и учев од сопствените грешки. Моментално, ментално, физички и духовно се чувствувам одлично“, изјавила 23-годишната Лохан, која имаше големи проблеми со зависности од пороци, па поради тоа неколку пати се пријавуваше во клиника за одвикнување.

Во полза на тоа дека целосно ја преболела Саманта и оди фактот дека таа неодамна беше видена како се прегрнува со францускиот актер, Орели Вик. Парот се запозна на забавата во еден лондонски дизајнерски бутик.