МИША БАРТОН

Доби тужба поради неплатена кирија

Њујоршката фирма за недвижен имот M.R.A Realties INC ја тужи актерката Миша Бартон, бидејќи таа не платила станарина во износ од седум илјади долари.

Младата Миша моментално се наоѓа во Њујорк, каде што снима епизоди за серијата „Закон и ред“, а во септември минатата година изнајми стан во Менхетен. Сега сопственикот на станот ја тужи, бидејќи актерката нема платено станарина за три месеци.

Адвокатите на Бартон не ја коментираа тужбата, а доколку ја изгуби, таа ќе мора да го плати целиот долг, но и предвидената казна.

Бартон веќе неколку години живее во Лос Анџелес, а во Големото јаболко пристигна за снимањето на серијата „Убав живот“, кој се базира на њујоршката манекенска сцена. Потоа доби понуда за настап во серијата „Закон и ред“, каде што глуми лик на проститутка.