Детска Евровизија

Победи Ања Ветерова

Ања Ветерова е нашиот претставник на детската Евровизија што ќе се случува на 20 октомври во Минск, Белорусија.

Единаесетгодишната Ања на мини-изборот што се случуваше во студиото на МТВ, настапи со нејзината „Магична песна“ со што ги доби сите гласови на жирито и 332 од публиката, која 10 минути гласаше преку телевоутинг.

Освен Ања, на мини-изборот имаше уште четворица учесници - Дино Хрџиќ, кој ја пееше „Ар ен би до три“, Мартина Аврамовска со „Запејте“, Никола Илиев, кој ја интерпретираше „За твоите очи“ и Амајлија Стојановска со „Играј, скокај танцувај“.

Инаку, нашата претставничка веќе неколку години активно пее - освен учество во детскиот дел на „Сан Ремо“, таа го има искуството и од нашите фестивали, има албум и особено е среќна поради дуетот со „Паркети“ во темата „Јас те сакам тебе“.

(В.Т.)