Општина Аеродром донираше над 370 книги за училишните библиотеки на седумте основни училишта на својата територија. Најголем дел од книгите се лектири и од предметна и одделенска настава. Целта на акцијата што се спроведе по повод стартот на учебната година, како што соопштуваат од Аеродром, е да се збогати книжниот фонд на училишните библиотеки и да се поттикне љубовта спрема книгите кај децата. (МИА)
