Отсечена глава на момче оставена на улица во Белград
Се претпоставува дека отсечената глава на паркингот била оставена во почетокот од неделата. Идентитетот не се знае
Отсечена глава на момче на возраст од околу 25 години, ставена во црна ќеса за ѓубре, била пронајдена во четвртокот околу 15 часот на паркинг на булеварот „Крал Александар“ во Белград. Ќесата со човечка глава ја пронашле новинарите од белградските медиуми, кои претходно, непознат машки глас ги известил „да одат на булеварот ако сакаат да фотографираат нешто морничаво“. Се претпоставува дека отсечената глава на паркингот била оставена во почетокот од неделата. Идентитетот на жртвата не се знае. Полицијата го проверува описот на сите момчиња, кои изминативе два-три месеца биле пријавени за исчезнати. Освен тоа, полицијата го бара и анонимниот јавувач, бидејќи постојат сомневања дека тој знае нешто повеќе за злосторството.
Приказната започнала во четвртокот околу 14,30 часот кога непознат маж се јавил во редакциите на тамошните весници, им кажал каде треба да сликаат и смирено им рекол да се јават во полиција.
„Гласот му беше смирен, а според звуците што се слушаа зад него, веројатно зборуваше во од“, пишува „Блиц“.
Иако шокирани, репортерите на „Блиц“ отишле да ја проверат вистинитоста на приказната. Таму биле и колегите од уште една редакција, која, исто така, добила анонимен повик. По половина час заедничко барање, еден од новинарите ја пронашол ќесата, во која имало крвава машка глава со костенлива коса. Под и над левото уво имало длабоки резови, кои, веројатно, биле нанесени со остар предмет. Кожата била кафеава, што сведочи дека неколку дена стоела во ќесата.
„Ја забележав ќесата кога одев во банка, но не обрнав внимание, бидејќи не почувствував смрдеа, а и некои станари имаат обичај да го остават ѓубрето на улица. Ова е неверојатно“, ги пренесуваат српските медиуми изјавите на шокираните станари.
Една жена од соседството ја забележала ќесата уште во вторникот. Нејзиното куче постојано урунирало врз ќесата.
„Иако кучето чудно реагираше, не почувствував чудна миризба“, тврди белграѓанката. (Х.Р.) |
