Изградба на ролерска патека

Деновиве се врши околчување и тампонирање на подлогата на ролерско-велосипедската патека од левата страна на Вардар, која ќе се надоврзе на постојната што минува низ центарот на градот до фабриката „Комуна“. Новата делница, која ќе се протега од фабриката „Комуна“ до мостот „Близнак“, ќе биде широка 4 метри и со должина од 1,8 километри. Градот издвои 6 милиони денари. Во зависност од временските услови, се очекува патеката да биде готова до крајот на годинава. (Б.Ш.)