Подароци за Денот на хендикепираните

Статичен велосипед за рехабилитација и телевизор доби на подарок од Општина Карпош, Сања Балиќ, која боледува од церебрална парализа. Градоначалникот Стевчо Јакимовски лично и' ги врачи подароците вчера на Светскиот ден на хендикепираните лица. Јакимовски додели и 50.000 денари за 23-годишниот Јовица Блажевски на кого му е потребно пресадување матични клетки во Русија.

И од невладината „Полио плус“ денот на хендикепираните го одбележа работно, а во работните простории во населбата Аеродром ги посети министерката за внатрешни работи, Гордана Јанкуловска. (Сн.К.)