Целосно усогласен секторот на телекомуникации
Во сите сегменти на телекомуникацискиот сектор во Македонија има целосна усогласеност, оценува Европската банка за обнова и развој во извршената компаративна анализа за процена на комуникацискиот сектор во земјите во транзиција. Ваква оцена од ЕБОР од земјите во регионот има и Хрватска, а оцената што ја дава може да биде целосна усогласеност, висока, просечна или ниска усогласеност.
Со анализата се опфаќаат повеќе сегменти, како што се институционалната рамка, регулаторната независност, пазарен пристап и овластувања, значителна пазарна моќ, мерки за заштита на конкуренцијата, универзална услуга и потрошувачки прашања, перспектива и процена.
Во насока на институционалната рамка, како што се наведува во соопштението од Министерството за транспорт и врски, нотирано е дека електронските комуникации се регулирани со Законот за електронски комуникации, според кој е утврдена националната регулаторна власт и се дефинирани одговорностите на Владата и ресорното министерство. (МИА) |
