Научниците ќе добијат повеќе пари за нивните лаборатории
Државните универзитети и МАНУ вчера поднесоа до Владата десетици елаборати за основање нови или осовременување на постојните научни лаборатории. Научните работници изразија задоволство од овој проект на Владата, бидејќи досега многу малку се вложуваше во науката. На состанокот во Владата, како што беше соопштено, претставници на сите четири државни универзитети и од МАНУ поднеле детални елаборати според формулари составени согласно со упатствата на ЕУ и оние што се користат во САД. Тие барања, како што појасни владиниот портпарол Ивица Боцевски, ќе бидат доставени до Владата за во наредниот период да започне практичната реализација на проектот „Лаборатории“.
|
