„Улици и патишта“ го расчистуваат кејот на Вардар
Екипите на ЈП„Улици и патишта“ интензивно работат на расчистување на коритото на реката Вардар во населбата Аеродром. Досега е исчистена површина од 25 илјади квадратни метри, на потегот од мостот кај МАНУ до Кајак-кану клубот, како и од МАНУ кон населбата Аеродром. Отстранета е дивоникнатата нискостеблеста вегетација од косините на кејот, а се чистат и скалилата кои го поврзуваат долниот дел на кејот со пешачката патека. Во летниот период, кога ќе биде намален водостојот на Вардар, екипите на „Улици и патишта“ ќе ја чистат вегетацијата, шутот и тињата во коритото на реката. (В.Д.) |
