„Сведмилк“ ќе извезува во Косово

„Сведмилк Македонија“ вчера во Приштина потпиша договор за извоз со косовскиот дистрибутер „Некст“. Согласно со договорот, млекарницата месечно ќе пласира по 500 тони млеко на косовскиот пазар. „Со ова практично почна нашата бизнис-стратегија, најдоброто македонско млеко да стане лидер-извозник во регионот. Сега, повеќе од кога и да е, можеби и првпат, во Македонија е исплатливо да се биде фармер - млекопроизводител“, изјави генералниот менаџер на „Сведмилк Македонија“ Роџер Оскарсон по потпишувањето на договорот.

Според него, целта на компанијата е извозот да се прошири не само во соседните земји, туку и во државите-членки на Унијата. „Наша трајна определба е да понудиме широка палета свежи и здрави млечни производи“, нагласи Оскарсон.