„Луј Витон“ најскап европски бренд

Најскап европски бренд годинава е францускиот производител на луксузна стока „Луј Витон Мое Хенеси“, чија вредност се проценува на 27,6 милијарди евра. Ова се наведува во најновиот извештај на „Евробренд 2010“.

Втор најскап бренд во Европа е финската „Нокија“ со вредност од 25,33 милијарди евра, а трет е британскиот „Водафон“, кој се проценува на 25,32 милијарди евра.

Виенскиот Институт за европски брендови изработил студија „Еуробренд 2010“, на која се рангирани највредните брендови во Европа, а притоа биле оценувани 3.000 корпорации во 24 земји од 16 индустриски гранки.

Директорот на Институтот, Герхард Хребицк, изјави дека најголем раст годинава забележале брендовите од фармацевтската, здравствената и биотехнолошката индустрија. Најзначителен пораст забележа фармацевтската куќа „Глаксо Смит Клајн“, за 34,6 проценти, а потоа следува францускиот фармацевтски гигант „Санофи Авентис“ со 19,1 и „Новаратис“ со раст од 11,6 отсто. (Ек.Р.)