Големиот тендер за медицинска опрема на повторен избор
Министерството за здравство згрешило со оценувањето на понудите за медицинска опрема
Јасмина Јовановска
Владата го искара Министерството за здравство дека направило погрешна процена при изборот на најповолна фирма за купување на два вида апарати од големиот тендер за медицинска опрема. Затоа, Министерството за здравство ќе треба по втор пат да одлучува од кои фирми ќе ги купи петте ангиографи и биохемиската лабораториска опрема. Вака, како што дознаваме решила владината Второстепена комисија, по двомесечно натегање и разгледување на жалбите на фирмите за изборот направен во јуни, кога од големиот тендер со кои се бараа 14 групи апарати, едвај беа избрани само три: ангиографите, рендген-апаратите и за биохемиската лабораториска опрема.
Според известувањата доставени до учесниците на тендерот, владината комисија се одлучила да се поништи првичниот избор на Министерството за здравство, бидејќи констатирала дека комисијата во Министерството погрешно ги оценила понудите на фирмите-учеснички и при изборот извршила погрешна примена на критериумите за најповолен понудувач. Тендерската комисија е задолжена за 15 дена да го направи изборот на најповолниот понудувач за овие две групи апарати со оценување на понудите со бодирање. Владината комисија нема забелешки за изборот на фирмата од која ќе се набават рендген-апаратите, така што останува дека најповолен понудувач, според неофицијални извори, е германската фирма „Шиматсу“.
Враќањето на тендерот на повторен избор значи уште едно пролонгирање на оваа голема набавка за јавното здравство, која се влече повеќе од една година. Доколку се оди со ова темпо со реализацијата на тендерот, првите апарати, според неофицијални извори, може да се очекуваат дури в година. Дотогаш пациентите се' уште ќе се прегледуваат на стари апарати, кои не се сигурни ниту за дијагноза, ниту пак во однос на нивото на зрачење.
Во Министерството за здравство и во Владата не беа расположени за објаснување околу враќањето на тендерот во прва фаза. Во Владата беа зафатени со состаноци, а во Министерството за здравство не' оставија без одговор. А, дека ќе се прави повторен избор на апаратурата доволно покажува и тоа што во Министерството за здравство, како што дознаваме, во петокот повторно бил повикан експертот од Белград да даде уште едно техничко мислење за понудените апарати. Доброупатени извори велат дека е многу чудно што рендгенологот од Србија се повикува за техничка оцена кога таа еднаш е дадена.
До Второстепената комисија, како што дознаваме, се жалеле три фирми зашто се неправилно дисквалификувани и тоа едни од учество на тендерот, како „Генерал електрикс“, а други при изборот како „Сименс“, „Симед“... Првите фирми се жалеа дека отпаднале од тендерот зашто не стасале да ги соберат сите документи бидејќи, како што велат доброинформирани извори, комисијата во Министерството за здравство ја менувала спецификацијата само два дена пред отворање на понудите.
Другите фирми, пак, реагирале дека, иако стасале до отворање на понудите, биле неправедно исфрлени од изборот, бидејќи за Министерството за здравство сертификатот за квалитет ЦЕ не бил исто што и ЕЦ- сертификат, кој го поседувале фирмите, иако Бирото за лекови, сепак, потврдило дека ЦЕ и ЕЦ е ист сертификат. Ова се однесувало за ангиографите, за кои за најповолна понуда била избрана фирмата „Шиматсу“ со околу 3,9 милиони евра. За овој лот се бореле и „Филипс“, кој понудил околу 4,3 милиони евра, и „Сименс“ со 2,9 милиони евра, кој отпаднал бидејќи немал ЦЕ- сертификат, туку ЕЦ- сертификат за квалитет.
... Mnogumina sega trujat race... ubavo ke se ofajdat... a zdravjeto na narodot... koj go sisa narodot... SEGA MU E MAJKATA... Prerodbata ja utnaa...
Од: Dragan
Датум: 22.09.2008 19:47:29
Vo Univerzitetska bolnica vo Toronto.Kanada
Site rentgen aparati se od prozivodstvo na Siemens ili Philips.
Ne gi kupuvaat nitu nivnite General Electric,a kamoli Shimadzu , tie se vtora klasa proizvoditeli.
