Избор на најубаво украсен двор
Градските власти традиционално и годинава под мотото „Новогодишните бои на Скопје 2009“ ќе избираат најубаво украсена куќа со двор, прозорец, тераса од стан, деловен објект и двор на средно училиште. Заинтересираните за учество во акцијата може да се пријават од 1 до 22 декември на телефонскиот број 3297-265, секој работен ден од 9 до 16,30 часот. Фотографиите од украсените објекти заедно со личните податоци и адресата треба да се испратат на и-мејл адресата mediumi@skopje .gov.mk или на адресата улица „Илинден“ бб, со назнака за акцијата „Новогодишните бои на Скопје 2009“. И годинава изборот ќе го направи жири- комисија составена од претставници на медиумите. (Дс.Т.) |
