Дански уметници во „Арт-поинт - гумно“

Интернационалните уметници Гејл Тастин од САД и Лоне Сиберг од Данска, месецов ќе престојуваат и творат во уметничката работилница на „Арт Поинт - Гумно“ во селото Слоештица, а заинтересираните посетители ќе можат на 26 септември да го посетат отвореното студио и да разговараат со авторките.

Сликарот Сергеј Андреевски, раководител на „Арт поинг - гумно“, претставувајќи ги гостинките посочува на неколку важни елементи. „ Гејл Тастин користи различни медиуми за своите уметнички експресии.Нејзина прва љубов е глината, а во процесот на креирање се става во улога на писателка која и дозволува на глината да и ја раскаже својата приказна. Сличен е и нејзиниот пристап кон платното и хартијата кога користи различни материјали (партали, мрежа, јаглен и сл.) за да добие тродимензионален објект. Една е од оснивачите на Меѓународната ликовна колонија „Без граници“ од Вилмингтон, Северна Каролина. Лоне Сиберг е исто така писателка на платното. Дипломирала сценографија на Нордискиот универзитет во Шведска и работела како асистент на големиот дански скулптор, Ерик Варминг. Во нејзиниот уметнички свет , преовладува потрагата по елементите на хуманиот универзум“.

Годинава, реализацијата на уметничката работилница во Слоештица, симболично е поддржана и Министерството за култура. (К.Б.)