Помош од 380.000 денари за 16 здруженија и фондации
Општина Центар додели 380.000 денари на шеснаесет здруженија на граѓани и фондации. Парите се доделени како придонес на Општината за функционирањето на здруженијата при остварувањето на нивните активности.
Меѓу шеснаесетте субјекти- добитници на паричната помош се градската Организација на жени, градскиот Сојуз за превентива од алкохолизам, никотизам и наркоманија, Планинарското друштво „Водно“, КУД „Билјана“, Здружение на инвалиди на трудот и корисници на инвалидска пензија-Центар, градското Здружение на слепите граѓани, ДСУ за рехабилитација и образование „Св. Наум Охридски“ од Скопје, Здружение на трудови инвалиди-Центар и други. Согласно со одлуката за доделување на средствата, здруженијата на крајот од годинава ќе треба да достават отчет за потрошените пари.
Инаку, за паричната помош можеа да конкурираат сите регистрирани здруженија на граѓани преку јавниот повик што беше објавен во општинскиот „Службен гласник“ и на веб-страницата на општината. |
