КРВОДАРИТЕЛСКА АКЦИЈА ВО ЧЕСТ НА ТОШЕ

Во спомен на македонската музичка легенда Тоше Проески, а под мотото „Јас штотуку спасив живот, а вие?“, вчера, на денот на неговиот последен концерт, од 10 до 16 часот во фоајето на Домот на АРМ се одржа крводарителска акција. Организаторите, Црвен крст на Град Скопје и интернационалниот „Тоше Проески фан-клуб Форум“ изразија задоволство од одѕивот на граѓаните, а на крводарителите им беа поделени маички и постери со ликот на Проески, кои ги обезбеди меѓународната фондација „Тоше Проески“.