Доктор нападнат во болница

Во Клиничката болница во Штип пациент го нападнал дежурниот лекар на Интерно одделение. Според портпаролката на СВР - Штип, Снежана Санева, настанот се случил завчера кога пациентот, кој бил примен на 31 декември, почнал да ги турка инструментите во просторијата, по што лекарот бил нападнат со два удара и се здобил со исеченица на устата.

Од страна на лекарот била повикана полиција, а пациентот покажувал психичка вознемиреност, по што е хоспитализиран во специјалната болница „Бардовци“ во Скопје.

Претседателот на Лекарската комора - Штип, Влатко Миташев, го осудува овој инцидент и посочува оти ова е втор случај кога пациент напаѓа лекар. Тој смета дека досега е многу направено за правата на пациентите, но не и за правата на лекарите.

„Не знам од кои причини, правилникот за правата на лекарите се' уште не е донесен и се' уште тапка во место, а со овој правилник ќе се регулираат и кои се правата на лекарите“, вели Миташев. (МИА)