Јаќимовиќ победник на турнирот за 8 септември

Велемајсторот Драгољуб Јаќимовиќ (рејтинг 2429) триумфира на силниот викенд-турнир во чест на празникот 8 септември, кој се одржа во Домот на градежниците во Скопје по забрзано темпо од 15 минути по играч, а во организација на шаховскиот клуб Гамбит-Пексим.

Во конкуренција на 61 шахист од цела Македонија, меѓу кои двајца велемајстори, шестмина интермајстори и седуммина ФИДЕ-мајстори, олимпискиот шампион од Истанбул 2000 единствен освои шест поени од седум партии. За првото место му припаднаа 10.000 денари од вкупниот награден фонд од 36.000 денари.

Второто место го освои интермајсторот Марјан Митков (2390) со 5,5 поени, колку што собра и третопласираниот ИМ Филип Панчевски (2432).

Конечна табела: Јаќимовиќ 6, М. Митков, Панчевски, Динев и Симјановски по 5,5 Стојановски, Данчевски, Беќаровски, Станојоски, качаковски и Николовски по 5 итн. (Р.Д.)