Доделени првите лиценци на 60 превозници

Околу 60 превозници во патниот сообраќај вчера првпат добија лиценци од Министерството за транспорт и врски. Без такви лиценци, за чие добивање е пропишана процедура, македонските превозници не можат да сообраќаат, покрај на домашниот, и на европските пазари, каде што стапува во сила одлуката на ЕУ секој возач да поседува професионален сертификат.

Лиценците на превозниците им ги додели министерот за транспорт Миле Јанакиески.

Според Билјана Муратовска, претседателка на Асоцијацијата на камионски транспортери МАКАМТРАНС, со лиценците во Македонија првпат се утврдуваат правилата на игра во превозот на стоки и патници, но и се создаваат услови за работа во странство.

„Лиценците ни овозможуваат да добиеме работа во странство, бидејќи сега се соочуваме со фактот да ни бидат откажани превозите од сите европски држави доколку немаме лиценци“, изјави Муратовска. (Ек.Р.)