Поголем обем на половина - рана смрт?

Во едно од поновите истражувања, чии резултати се објавени во „Архивите на интерна медицина“, утврдена е силна корелација меѓу обемот на половината и ризикот за смртност.

Во студијата во која биле опфатени над 100.000 мажи и жени на 50 и на повеќегодишна возраст, оние со најголеми половини (119 см или повеќе за мажи, 107 см или повеќе за жени) биле со двојно поголема веројатност да починат од каква било причина во текот на деветте години во кои биле испитувани. Врската се потврдила и кај луѓе со нормална тежина и кај оние што биле прекумерно тешки и дебели. Сепак, кај жените таа врска била најсилна за оние со нормална тежина.

Дополнителни масти околу половината се поврзуваат со зголемен ризик за состојби, како што се дијабетес тип 2 и кардиоваскуларни болести. Се верува дека висцералните масти - оние што се наоѓаат околу внатрешните органи - се поголема закана за здравјето отколку мастите под кожата (супкутани масти).

Време е да се извадат метрата за половина. (Вашингтон пост)