Во Центарот за обука „Пепелиште“ вчера почна воената вежба „Балкански блесок 2010“, една од досега најголемите изведени вежби.
Со оглед дека вежбата ќе биде една од најсложените и најголемите досега, поради бројот на учесниците (над 1.200 припадници на АРМ) и употребата на боева муниција, тој нагласи оти очекува сите учесници да покажат висок степен на извежбаност. „Балкански блесок 2010“ е жива вежба со единици на терен и од денес до 3 ноември 2010 година ќе се реализира на армискиот полигон „Криволак“, во касарните „Илинден“ во Скопје и „Јане Сандански“ во Штип, како и на воениот аеродром во Петровец. Цел на вежбата е да се оцени и да се верифицираат обученоста, оперативната способност и борбената подготвеност на декларираните единици на АРМ во согласност со концептот за оперативни способности на НАТО. (МИА)
