Вработени во Поштенска банка украле 150.000
Двајца вработени во кумановската подружница на Поштенска банка се осомничени дека украле пари што им биле доверени за работа. Според МВР, кумановците Д.Ж. (53) и Ј.Р. (44), вработени како трезористи во банката, на 31 март годинава присвоиле 150.000 денари, кои ги одзеле од вредносното писмо во кое биле депонирани средствата, по што пликот и спроводното писмо ги уништиле за да ги покријат трагите. Контролорите го забележале кусокот, па ја алармирале полицијата, која го расчисти случајот.
Инаку, овие двајца вработени пред дваесетина дена беа ограбени кај Куманово, кога од возилото на „Македонска пошта“, кое пренесуваше трезорски пари од Поштенска банка беа украдени 100.000 евра. Полицијата се сомневаше дека разбојништвото било инсценирано. (Г.А.) |
