Свет: фото сторија

Сиднеј прекриен со црвен прав

СИДНЕЈ - Најголемиот австралиски град Сиднеј е покриен со црвен прав, што е донесен од пустината со ветровите. Видливоста е многу мала така што меѓународните летови се пренасочуваат, а поморскиот сообраќај со фериботи е прекинат. Службите за итна помош пријавија зголемување на бројот на повици од луѓе, кои страдаат од проблеми со дишењето. На децата и на постарите лица им се препорачува престој во затворено. Знаменитостите во Сиднеј, како опера Хаус, се замаглени, а голем број жители носат маски. Сообраќајот на главните патишта е закочен. Правот кој ги покри источните делови на Нов Јужен Велс беше донесен од силните ветрови што понесоа тони прашина од западниот дел на земјата што е погоден од суша. Еден жител на Сиднеј за новинската агенција Асошиетед прес изјави: „Бојата беше неверојатна... Имам 72 години и никогаш досега не сум видел нешто вакво во животот“. Австралиското биро за метеорологија предупреди на „големи опасни ветрови“ во Сиднеј и во другите области, додека ветрови со брзина од 65 километри на час го удираа градот. (Би-Би-Си)