Регионалните депонии под концесија

Регионалните депонии ќе се издаваат под концесија. Владата одлучила два региона да се финансираат преку инструментот за претпристапна помош - ИПА, а за другите да почне постапка за издавање под концесија за финансирање, проектирање, изградба и управување со депониите. Во Македонија треба да се изградат осум регионални санитарни депонии, што треба да ги заменат постојните 54 регистрирани општински и стотиците диви депонии што треба да се затворат и да се рекултивираат. За изградба на регионалните депонии се потребни околу 80 милиони евра, а за затворање на општинските и на дивите депонии околу 35 милиони евра. 

„Предвидено е депонијата ‘Русино‘ да функционира како регионална и да ги опслужува сите општини во Полошкиот регион. Изградбата на депонијата во согласност со ЕУ-стандардите ќе чини 12 милиони евра“, изјави вчера министерот за животна средина и просторно планирање Неџати Јакупи пред членовите на собраниската Комисија за транспорт, врски и екологија, на која се дебатираше за депониите и за собирањето отпад. (Д.Р.)