Три стипендии за студии на Кембриџ

Ивана Матевска, Александар Митов и Дамјан Денковски се првите добитници на стипендии од Македонија што ќе ги продолжат своите студии на Кембриџ. Првите двајца се на постдипломски, додека третиот на додипломски. Тројцата се со највисоки просеци во досегашното школување. Стипендиите заеднички им ги доделуваат Лондонскиот универзитет и фондацијата „Пексим“.

На официјалното потпишување на договорите беше речено дека вкупната сума што ја доделуваат за оваа година изнесува 145.000 евра и се наменети за најуспешни студенти од земји кои не се членки на ЕУ. Стипендистите имаат обврска по завршувањето на студиите да се вратат во Македонија и да работат најмалку двојно повеќе од времето на користење стипендија.

„Најважно да се откријат вистинските и најуспешни студенти кои сакаат да продолжат студии на нашиот Универзитет. Основна цел ни е квалитет, а не квантитет. Во медиумите нема да најдете оглас за стипендии на нашиот Универзитет. И покрај тоа, има многу апликации што пристигнуваат годишно“, истакна Мајкл О’Саливен, директор на Фондот за стипендирање на Униве��зитетот Кембриџ. (Д. Р.)