Насловна

Се затруле од пица

Пицеријата „Бонита“ во Струмица, како што известува Министерството за здравство, ја затвори Државниот санитарен и здравствен инспекторат по појавата на случаи на труење со храна. Според информациите на Државниот санитарен и здравствен инспекторат, пет случаи на труење се појавиле на 29 јуни, за што бил известен епидемиологот од Центар за јавно здравје - Струмица. Првите симптоми на труење се јавиле кај лицата на полноќ и во раните часови наредниот ден откако храната, како што се вели во известувањето од Министерството била консумирана во вечерните часови во пицеријата. Веднаш бил извршен инспекциски надзор во пицеријата, сопственост на ДПТУ „Мајско цвеќе“ ДООЕЛ. Земени се брисеви од вработените и од работните површини и од храната што ја консумирале заболените лица.

Пицеријата ќе биде затворена се' до добивање исправни микробиолошки резултати од земените брисеви. Наредена е вонредна хигиенизација на објектот, генерално механичко чистење, варосување на магацинот и дезинфекција од овластена здравствена установа, стои во соопштението.

Поради тоа што одговорното лице не дозволило поставување на службената лента за забрана за користење на објектот, од Државниот завод најавуваат поднесување и на кривична пријава.

Од Инфективното одделение на Општата болница во Струмица известуваат дека заболените лица по примената инфузија и соодветната терапија, биле пуштени на домашно лекување.