Брзинска трка на Водно

В недела во 10,30 часот ќе се одржи меѓународната традиционална автомобилска ридско-брзинска трка на падините на Водно, „Награда на Скопје“. Оваа трка веќе седма година се наоѓа во календарот на Светската автомобилистичка федерација (ФИА), а се бодува за европскиот шампионат на Централноевропската зона и за македонското првенство.

Организаторот апелира до вљубениците во автомобилизмот на тренинзите и на натпреварот да дојдат барем еден час порано. Делницата на која ќе се одржуваат натпреварите ќе биде затворена за сообраќај в сабота од 10, 30 до 13,30 часот и в недела од 10 до 13 часот. (С.Н.)