Сузан Бојл
Сите сакаат дует со неа

Британската пејачка сензација Сузан Бојл деновиве не се симнува од сите музички топ-листи, а манијата околу нејзиниот лик и дело пристигна и во Америка. Оваа дама не само што продава тони од своето првенче, туку ги предизвикува музичарите да снимаат дует со неа. Списокот што го има нејзиниот менаџер е предолг, но најинтересно барање е од раперот 50 Сент. „Таа има неверојатен глас, а здружени би ги натерале сите околу нас да танцуваат. Мислам дека и Сузан не би застанала. Песната што ја имам навистина е кул и чувствувам дека станува збор за голем хит“, познатиот рапер јавно ја кажа својата креативна бизнис-понуда. |